البوست ده شكر واجب , لكن متأخر حبتين , الأحباء دول وقفوا معايا كتير وكانوا أكتر من أخوات وأخوة بجد , هابتدي بالترتيب الأبجديباسم شرف : غني عن التعريف طبعاً , من أكتر الناس المحترمة الراقية كلاماً وتعاملاً اللي قابلتهم في حياتي , كان صبور معايا إلى أقصى حد , أبعتله تخاريفي وهذياني يرد بكل صبر وكلام رقيق ويشجعني ويقوللي رأيه بصراحة وموضوعية , لما أقرا شغلي القديم اللي كنت بابعتهولو , بيصعب عليا والله , بس كمان باحترمه أكتر لأنه كان شيك جداً وصبور عليا أوي , شكراً ياباسم يافنان من قلبي , ووجودك جنب مشيرة وجنبي يوم التوقيع كان له معنى كبير أوي بالنسبالنا
:)
رضوى : وفي مقولة أخرى دوددا , بيكون الإنسان ماشي في حياته كده وربنا يبعتله حد يتعلم على ايديه حاجات ماكانتش على باله ,رضوى هيه الحد ده , كانت معايا في كورس التخاطب اللي أخدناه سوى , نشوف بعض يوم بعد يوم ,وانتوا عارفين بأه الأرواح جنود مجندة , فضلنا أصدقاء من ساعتها وعرفت إزاي أنظر للأشياء بطريقة جديدة واستمتع بكل حاجة حتى لو كانت صغيرة جدااااااً , هي ببساطة تعرف كيف تضفي على الأشياء صيغة مُفرحة , طبعاً وبدون شك كانت من أول الحاضرين يوم التوقيع , وجودها في حد ذاته ....... حاجة مُفرحة
:)
طارق إمام : الغني طبعاً يعني عن التعريف ....هكذا يكون الكاتب المتواضع بحق , مشيرة وأنا من البداية كنا نحب كتاباته ونعلق عليها ونحضر الندوات التي يتحدث وينقد فيها وهو من القلائل الذين تستمتع بالإستماع إليه , وتوطدت العلاقة بعد الحدث السعيد ألا وهو ارتباطه بصديقتنا الجميلة مروة عبد الله وبقينا من ساعتها مقربين جداً , وبجد ربنا يتمم لهم بخير لأننا بنحبهم جداً .... ويا طارق يا كاتبي المفضل وجودك يوم حفل التوقيع كان شرف ليا ولمشيرة ويارب نتجمع ع الخير على طول
:)
مروة عبد الله : التقينا في ورشة الدقيقة الواحدة من حوالي سنة ونص وبرضه يا جماعة الأرواح جنود مجندة ...عرفت من أول يوم إننا هانكون صحاب , بنوتة رقيقة عقلانية مثقفة , موهوبة ورأيها في أمور كثيرة صائب ومنطقي , أعتز بصداقتها وجدعنتها ومشيرة وأنا بنجتمع على حبها ... وارتباطها بطارق أسعدنا كلنا والطريف في الموضوع إننا كنا نعرف طارق لوحده ونعرف مروة لوحدها ...يعني في الفرح انشاء الله هانكون معازيم العريس والعروسة ....تفتكروا نقعد فين ؟؟
شكرا يا ماوريتا (على رأي طارق ) لأنك موجودة ولأنك صديقة جميلة جداً
:)
هدى شوقي : ده المعلم الكبير بأه يا جماعة , نعرف بعض من زمااااااااااااان وع الحلوة والمرة بجد , أهم ميزة فيها إنها بتحب أصحابها أوي وبتسامح من قلبها ....ومتفانية جداً ....يعني اطلب عينيها وانت مطمّن, تقريباً مع بعض على طول لو مش بمقابلة يبقى بتليفون , والدماغ تقريباً واحدة وده مريح جداً , ولو عايز رأي في موضوع حيوي أو مشكلة ما ...لا تتردد ,عندها ماشاء الله خبرة حياتية وإجابات منطقية لكل حاجة, ماحدش يحسدني عليها بأه ماشي؟
شكراً يا دووووز لأنك موجودة ويوم التوقيع كان منور بيكي
:)
وائل الشهاوي : هوه صديق من أيام الجامعة لمشيرة والحقيقة هوه حالة إنسانية جميلة و مشوّقة , اللي يعرفه لازم يربط اسمه بعمر طاهر لأنه صديق ليه ومن أهم قرائه, بشهادة عمر ,قارئ ومثقف جداً وجدع أوي بأه بشهادتي أنا ووجوده يوم التوقيع كان حاجة كده تفرح , ايه الشياكة في التعامل وايه الإخلاص ده؟ سعيدة بإنك في حياتي وألف شكر يا وائل ياجميل
:)
شكر خاص جداً للمدون الزميل ( المسحوق ) ابراهيم عادل , حضوره كان مفاجأة جميلة أوي وشيك ... وكان معاه الجميلة غادة خليفة ...اتشرفت بيها وهيه تتحب على طول الصراحة
نورتوا جداً وألف شكر للحضور الممّيز
:)
البوست ده شكر واجب , لكن متأخر حبتين , الأحباء دول وقفوا معايا كتير وكانوا أكتر من أخوات وأخوة بجد , هابتدي بالترتيب الأبجدي
أولاً ممكن أسأل ... مين مايعرفش فاتيما؟
وجوه رحلت 
حريقة
حرية
ضحية بريئة
وجوه نسائية
علامات استفهام ؟؟
القصة دي جاتلي على الميل ....حبيت انكم تقروها....اسمها الحب الأعمى
احتياجات خاصة 
